Courses - Paragliding Club Mongolia

Параглайдинг(paragliding) нь танд шүвүү мэт халин нисэх эрх чөлөөг олгодог адал явдалт(recrational) агаарын спортуудын нэг юм. Анхан шатны түвшинд суралцахад маш энгийн, амархан харагдах боловч манай орны эрс тэс цаг уур, газар нутгийн хувьд өндөрлөгт орших онцлог нөхцөлд параглайдинг спортоор хичээллэхийн тулд нислэгийн цаг уур, нислэгийн төхөөрөмж, нислэгийн дүрэм, нислэгийн аюулгүй байдал гм маш олон талын мэдлэг ойлголтуудыг Монголын Параглайдингийн Холбооноос гэрчилгээжсэн, сургалт явуулах эрхтэй зааварлагч багшаар заалгах шаардлагатай.

Та өөрийгөө болон бусдыг эрсдэлтэй, экстрим, аюултай байдалд оруулахгүйн тулд зааварлагч багш (Instructor) заалгах, клубын болон Монголын Параглайдингийн холбооны гишүүнчлэлд нэгдэх нь хамгийн зөв сонголт юм. Манай клуб 2014 оноос хойш анхан, дунд шатны, холын зайн болон SIV сургалтуудыг жил бүр явуулдаг. Манайх 16 удаагийн сургалтаар гадаад дотоодын нийт 50+ нисэгчид заасан туршлагадаа тулгуурлан олон улсын агаарын спортын холбоо FAI -ийн Safepro, ParaPro болон APPI системийн дагуу доорх сургалтуудыг Монголын Параглайдингийн Холбооноос гэрчилгээжсэн зааварлагч багш удирдан явуулж байна.